Научна кујничка

Често ја слушаме реченицата „Децата се природни научници“. Нивната љубопитност и потребата светот да го направат предвидливо место секако ги поттикнува да истражуваат и да донесуваат заклучоци и теории врз база на своите искуства. Но препуштени самите на себе тие неможат да го развијат вистинскиот научник во себе. На децата им е потребна поддршка за својата природна љубопитност и активност да ја трансформираат во нешто што се базира на наука. Поттикнати од вистинските природни и едукативни потреби, развивме структурирана научна програма за деца на возраст од 5 до 9 години која ги обединува основите на хемијата, физиката и биологијата. Симболично наречена Научна кујничка, програмата е осмислена да овозможи важна основа за понатамошно надградување на знаењата низ формалното образование.